مرحبا بك سيدتي في عالم الأزياء والموضة والجمال سنساعدك لتتألقي يوميا
مشكلتي درت الثقة بزااااف …وقع مشكل وحملت
السلام عليكم
محتاجة لكم بغيت نخوي قلبي قريب ننفجر الحمد لله على كل حال ,انا تلاقيت مع واحد السيد هذه اكثر من 3 سنين بغيتو بزاف عشنا ايام زوينة بزاف او درت فيه الثقة بزاااااف كان كيعاملني مزيان حتى الناس كيحسدونا ,واعدني بالزواج و لكن صبرت عليه بما انه كان مزال مخدامش و واعدني غير يخدم او حياتنا تصلح و لكن عملت خطأ كبير وسلمت راسي لهاد السيد كان اول واحد فحياتي و هو عارف هدشي كان فعمري ديك الساعه 22
سنة المهم بقينا مع بعضنا حتى خرج لنا واحد المشكل من الجنب نسى واحد النهار في الكمبيوترديالو التصاور ديالنا و شافهم باه و دار قصة التصاور فيه تصاورنا معانقين ماشي اكثر قاليه تفرق على هاد البنت ماتصلاحش وسمعت عليها كلام خايب بقا الولد كيحاول معاه و سولو اش سمعتي عليها ملي ماعرف باه ( هو الي عند باه ولد) مايقول قاليه الصراحة ماسمعتش عليها والو ولكن مابغيتهاش قاليه الولد راني كنعرفها مزيان بقى باه شاد معانا العكس لمدة عام ونص ابقيت صابرة مع هاد الولد حتى يفرجها الله وخدم (انا ديجا خدامة و بطومبلتي وبنت عائلة الحمد الله مانقصني خير ) وهو مرة يطلبني نصبر معاه و مرة يدور فيا ونتفارقو و كنرجعو لبعضنا حينث مقادرينش نبعدو على بعضنا واحد النهار دوى مع باه مرة اخرى وقاله دبا نفكر و يكون خير وسولو قاله الى تزوجتي فين غادي تسكنو قاله غادي نخرجو نكريو ملي سمع باه هادشي قاليه لا مبغيتهاش ياانا يا هي وبسبابك غادي نطلق مك و نخرج من الدار…. وقع مشكل وحملت بالخطأ قلت له نتزوجو و مانتعداش على ولدي اصر علي باش نحيدوه عاد نتزوجو وباش باه مايقولش درنا له هاكداك غير باش نفرضو عليه اللي بغينا انا ثقت فيه و تبعتو وقتلت ولدي كبدتي , النعاس مبقيتش نشوفو كنضل نبكي ليل و نهار و نطلب ربي يسمح ليا على كل حاجة خايبة درتها وهو تخلى علي فهاد الضروف و كاع الوعود اللي عطاني كدوب بغيت نحماق انا ثقت فبه بزاف داكشي باش تبعتو راه كيوعد ويحلف باللي خلقو , انا عارفة بزاف غادي يعايروني ويلوموني انا مكنبررش اخطاء دياولي و لكن كلنا كنغلطو المهم التوبة النصوح انا بغيت غير نرتاح و لو شوبة هاد الناس تكرفسو علي بزاف خسبي الله و نعم الوكيل
.jpg)
