مرحبا بك سيدتي في عالم الأزياء والموضة والجمال سنساعدك لتتألقي يوميا
انا حاسة بواحد الشمتة وقلبي مضيوم وربي اللي عالم
انا حاسة بواحد الشمتة وقلبي مضيوم
وربي اللي عالم بيا انا مخطوبة هادي عامين من واحد السيد عايش برا وديما سمن على
عسل رغم بعض المشاكل اللي سببها الغيرة وكان صيفطلي شي فلوس باش من بعد يزيد عليهم
ونشريو دار المهم هادي شي اسبوع الراجل اتبدل ومابقاش تيهضر معايا كيف الأول وولى
تيثقال عليا والتلفون مابقاش تيعيط بمرة وف المسن تيدخل وتيهضر معايا غير حدو
تيقول السلام واش اخبارك وماتيبقاش يجاوب نهار كامل وتيقولي اه حقا راه عندي
الخدمة بزاف المهم أنا شكيت فيه وبقيت تنبحث حيث عندي أصلا الباس ورد ديال الايميل
ديالو وديال الفيسبوك بالحق هو ماعارفش وملي وليت تندخل تنلقى باللي فعلا اتعرف
على واحد البنت هادي سيمانة ومصيفط ليها تصاورو وحتى هي وساكنة حداه قريبة من
المدينة اللي ساكن فيها هو وماكانش تيجاوبني حيث هو وياها النهار كامل وهما تيهضرو
وهاد الويكند امشى عندها لمدينتها ولقيت واحد الحوار بينو وبين صاحبو ف الفيسبوك
تيقولو باللي راه هو مسافر لعند البنت وراه باغي يتزوجها في أقرب فرصة وانا من
هادشي كامل ماقالي لا طابت لا تحرقات وملي بقيت تنفكر قلت راه يمكن باقي داير ليا
الخاطر وماباغيش يصارحني بأشنو ناوي خايفني لنكرو في فلوسو مع العلم أني عمري
نديرها ولانخون الأمانة ولا نغدر بيه ف حين هو غدر بيا وبكل برودة من بعد ماجرجرني
عامين وهاد الصباح بغيت نشوف شنو تحت راسو وقلتلو راه شفت واحد المحل زوين وراه
دفعت فيه العربون وهو ملي كان تيهضر معايا ماباغينيش نشوف وجهو ف الكام فحال الى
حاشم وتيهضر معايا بزربة وقالي صافي ديري اللي بغيتي واللي تشوفي فيها مصلحة
ديريها انا ماعنديش مشكل بقيت غير تنتعجب لهاد الدرجة هو حرايمي ومبين ليا حسن
النية حتى ياخد فلوسو ويقلب عليا عافاكم البنات قولولي كيفاش نتصرف والى كنتو
انتوما ف بلاصتي أش غتديرو ؟ الله يجازيكم بخير.
.jpg)
